Nurse ṭha chawimawina dawng
India rama nurse ṭha chawimawina National Florence Nightingale Awards, 2020 chu nurse 51 hnenah nimin khan President Ramnath Kovind-a'n NIC Centre kaltlangin a hlân a, Mizoram aṭangin C Dengthangpuii, health supervisor (rtd.), Bungkawn Vengthar leh Vanlalthuami, health worker, Theiriat Sub-Centre, Lunglei ten an dawng.
Award hlanna hun hi Aizawlah chuan Health secretary R Lalramnghaka hoin NIC conference hall aṭangin an lo zawm a ni. Award hian thuchei leh Rs. 50,000 a keng a, Mizoram aṭangin mi 11-in an dawng tawh a ni.