Mualvawm khelmuala phûl lem enfiah

Khawzawl bawrhsap CC Lalchhuangkima chuan nimin khan Khawzawl Mualvawm khelmuala phûl lem (astro turf) phah leh pavilion sak mek a enfiah. Mualvawm khelmual leh pavilion siamna atan cheng nuai 846 ruahman a ni.

CC Lalchhuangkima chuan, thawktute chu hna ṭha, rintlak leh rotling siam turin a chah a, "In hnathawh lai in thawh zawh bakah, a enkawl zui dan tur uluk takin ruahman lâwk ang che u," a ti. Mualvawm khelmuala phûl lem phahna atan cheng nuai 476 ruahman a ni a, UDPA department hnuaiah Syncotts International-in an thawk. Pavilion pawh UDPA department hnuaiah siam a ni a, contractor dangin cheng nuai 370.74 sêngin an thawk a ni.