Champhai district-ah inkaihhruaina thar

Champhai DC Maria CT Zuali chuan Covid-19 chungchangah inkaihhruaina thar a tichhuak a, Champhai district-a task force leh Covid-19 donaa hma latute chu zâwm turin a hriattir. Inkaihhruaina hi Covid-19 donaa awmze nei zawka hmalak a nih theih nan leh ṭul loa mi dang tana harsatna siam theia hmalakna laka fihlim theih nana tih a ni.

Champhai district-a inkaihhruaina
 District páwn aṭanga lutte chu rinhlelhna tur chhan ṭha tak a awm emaw, hripui veia rinhlelh chhan tur natna an nei emaw a nih loh chuan khung hran loh tur.
 District dang aṭanga lutte aṭangin covid fee certificate phut tawh loh tur.
 Sorkarin inkaihhruaina a siam zir chiang chungin sulhnu chhui tur a ni a, primary leh secondary contact bakah, high risk leh low risk-te thliar chungin kalpui ṭhin tur a ni.
 Positive bula kal satliah emaw, inhnaih satliah zawng zawng inkhungtir ṭhin chu tihtawp a, mumal leh awmze nei zawka sûlhnu chhuina kalpui tur.
 Contact tracing tih dawnin Health department-in SOP a siamte zir chian hmasak phawt tur.
 VTF leh damdawi-ina thawktute buaina leh harsatna tam tak chhâwk a nih theih nan Covid-19 positive natna lang lote chu CCC/CCCC-a dah aiin, a theih hram chuan home isolation kalpui uar tur.