CM hoin ramri buai sawiho

Chief minister Zoramthanga hoin nimin khan CMO conference hall-ah sorkar hotute'n Mizoram leh Assam inrinaa boruak muanawm a awm theih dan tur leh harsatna sutkian dan tur an sawiho. Ṭhutkhawmah hian Assam state chhunga Mizoram lirthei leh bungraw phur tángte a rang thei ang bera hruai chhuah dan tur ngaihtuah a ni a, hmalak dan tur an ruahman.

Meeting-a tarlan danin, tun dinhmunah Assam state chhunga Mizo lirthei tangkhangte leh Mizote an him a, thlamuang taka an awm zui zel theihna tur leh an him zel theihna turin hmalak a ni a; Mizoram chhunga tángte pawhin ei tur an nghei lohna turin ruahmanna siam a ni. Ministry of Home Affairs-in Assam-ah SSB dah turin a ruahman a, Mizoramah BSF dah tum a ni thung.

Ṭhutkhawmah hian deputy chief minister Tawnluia, Home minister Lalchamliana, minister of state pathum - K Lalrinliana, Lalchhandama Ralte leh Lalruatkima, Serlui bialtu MLA Lalrinsanga Ralte, chief secretary Lalnunmawia Chuaungo leh sorkar official dangte an tel a ni.