RIDF project chungchang sawiho

National Bank for Agriculture and Rural Development (NABARD) chuan nimin khan Mamit DC conference hall-ah District Sensi­tization Workshop on Rural Infrastructure Development Fund (RIDF) an buatsaih a, Mamit bawrhsap Dr Lalrozama'n a kaihruai.

Mamit DC chuan, an district-a NABARD kaltlanga hmasawnna hna kal mekte chu a nihna ang taka kalpui turin a kaihhnawih sorkar department hrang hrangte a chah a, "Hmasawnpui ngei tura kan duhte'n hlawhtlinna an chang ngei em tih kan inzawh fo a ngai," a ti.

Mamit district-ah hian loan cheng vbc. 87.12 pekna tur RIDF project kal mek 35 a awm a; PWD, PHE, School Education, HFW, SWC, AH&Vety leh Agriculture department hnuaiah thawh mek a ni. FCSCA, Horticulture leh Agriculture department-te'n Warehouse Infra­structure Fund (WIF) hnuaiah loan cheng vbc 6.82 senna tur project panga thawh mek a ni bawk.

NABARD hian Mizoram pumah RIDF Project (I-XXVI) kaltlangin project pawmpui 641 thawh nan loan cheng vbc. 1,596.35 a pe chhuak tawh a ni.