KHAWTHLIR

Cold storage hawng
Nimin khan Ramhlun North bazarah Horticulture minister PC Lalthanliana'n anthurium storage/cold storage a hawng. Horiculture Minister chuan, Mizoram páwn leh chhunga a mamawhte tana anthurium hralh chhhuah tur dah khawmna cold storage ṭha tak neih a ni ta chu mellung pawimawh tak a nih thu a sawi.

PRISM-in Candidate thlang
PRISM party chuan, nimina an party Nomination Committee-in kumina Mizoram Assembly inthlanpui lo awm tura candidate tur 10 an thlang fel tih an tarlang a, an candidate turte chu April 10, 2018-ah an puangzâr dawn tih an sawi.

MNF leh ZDF
MNF party leh Zoram Decentralisation Front (ZDF) hruaitute chu nimin khan Mizo Hnam Rûnah an ṭhukhawm a, January 16 2018-a thawhhonna thuthlung an lo siam tawh bawhzuina leh an hmalaknate an sawiho. He hunah hian MNF aṭangin senior vice president Tawnluia leh vice president Dr R Lalthangliana te an tel a, ZDF aṭangin Advisory Board chairman Rev. Liandawla, president Lawmthanga leh Rev. Vanlalduha te an tel a ni.

High school 198
School Education minister H Rohluna chuan Assembly busget session zawh takah MNF member K Sangṭhuama zawhna ziaka chhangin, Mizoramah sorkar high school 198 a awm thu a tarlang a, "High school 198 zinga 86-in headmaster nghet an nei lo," a ti.

Remnaah lawm
Mizoram Martyr Family Association chuan thuchhuah siamin, chief minister Lal Thanhawla kaihhruaina hnuaia Mizoram sorkar leh HPC(D) ten inremna thuthlung an ziak ta chu lawmawm an tih thu an tarlang a, "Remna tluantling a awm theih nan Mizoram sorkar leh HPC(D) ten theihtawpa hma an lak chhunzawm zel kan beisei," an ti.