Job card 1,90,163 a awm

Assembly budget session neih zawh takah MNF member Lalrinawmna zawhna ziaka chhangin Rural Development minister R Lalzir­liana chuan, Mizoram pum­ah MGNREGA hnuaiah job card nei mi 1,90,163 an awm thu a tarlang.

R Lalzirliana tarlan danin, job card nei tamna ber district Lungleiah chuan job card 35,975 a awm a, a tlemna ber district Serchhipah 14,164 a awm.

Hetih lai hian, kum 2017-18 chhungin sorkar laipui aṭangin MGNREGA hnuaia hna thawhna atan cheng nuai 20,055.17 hmuh a ni a; chuta ṭang chuan wages-ah nuai 16914.38, material component-ah nuai 1906.46 leh administrative cost-ah nuai 1177.05 hman a ni.

Kum 2017-18 chhung khan MGNREGA hnuai­ah inhlawhna Aizawl district-ah ni 44, Lunglei district-ah ni 50, Siaha district-ah ni 48, Champhai district-ah ni 47, Kolasib district-ah ni 50, Serchhip district-ah ni 48, Lawngtlai district-ah ni 47 leh Mamit district-ah ni 1177.05 siam a ni.

Job card awm dan
District Job card

Aizawl 28,554
Lunglei 35,975
Siaha 14,569
Champhai 28,765
Kolasib 18,360
Serchhip 14,164
Lawngtlai 29,441
Mamit 20,335

Total 1,90,163