3rd. IR police inkâp hlum

3rd. IR battalion-a constable no. 584 Lalthianghlima, Kanan Veng, Aizawl chu April 2, Thawhṭanni tlai dar 5:45 khan an awmna, Assam-a Borpathar post bahrik kawtah a silai kawl, AK-47 in a inkâp hlum.

Police hotute hnen aṭanga thu dawn danin, Lalthianghlima hi 3rd. IR-a A-company-a awm a ni a; a inkâp hlum lai hmu an awm lo a, a thih danah mi dang inrawlh ve rinhlelhawmna a awm lo. Police-te'n dan angin tih tur ṭulte an ti a, nimin khan damdawi-inah a ruang endik a ni. Nimin tlai khan tuna 3rd. IR headquarters, Mangaldai ah lak a ni a, nimin tlai vek khan Mizoram panpui a ni.