May thla tawpah DFA inthlan

Liverpool defender Joel Matip chu Crys­tal Palace nen an inhmachhawn ṭuma a inhliam avangin tun season-ah a inlan theih tawh dawn lo.

Selhurst Park-a inkhel­ah Reds centre-back hian minute 90 khel tho mah se a malpui hliam hi a hnuah endik a ni a, Liverpool chuan, "Zai a ngaih avangin tun season chhung a inlan tawh lo ang," tiin thuchhuah an siam.

Kum 26 mi defender chanchin thar avangin Liverpool fan-te hnual mah se lawmna tur erawh an nei tho a, Palace laka inhliam midfielder Adam Lallana chu rin angin a hliam a na lo a, tun season-ah a inlan leh theih an beisei.

Reds manager Jurgen Klopp chuan, "Lallana hi tun season-a chhawr leh theih beiseina kan nei a, thuchiang erawh a la awm lo," tiin an sawi.