Phulpuiah Sport Centre

Mizoram State Sports Council (MSSZC) hma­laknaa buatsaih, Phulpui khuaa Sport Centre chu nimin khan bialtu MLA KS Thanga'n a hawng.

KS Thanga chuan mizo footballer te chu Indian Super League leh league hrang hrang khelh ṭhinahte an chet ṭhat thu sawiin, "Mizo ṭhalaite hian inkhelhna lamah chuan hun ṭha kan tawng chho mek a ni. Sorkar hian enzawnna tlak a inkhel thiam tam zawk chherchhuah a duh a, hemi kawngah hian tan pawh ala nasa hle a, India football kan sawi chuan Mizoram tel loin a sawi theih tawh meuh lo a ni," a ti.

KS Thanga chuan ṭhalaite infiamnaa hma­sawn tur chuan taimakna, inpekna leh mahni in­thunun theihna a ṭul thu sawiin, sport centre chu Phulpui leh a chhehvel khuate inhmantawm tur anih avangin Phulpui leh a khaw ṭhenawmte an inpumkhatnan leh thawh­hona tha alo awm zelna turin duhsakna a hlan.

Sport Centre, Phulpui hi NEC aṭanga sum hmuh, cheng nuai 394 hmangin July 2012 khan siam ṭan a ni a, pavillion, indoor stadium, basketball court, volleyball court, football ground, water tank, approach road, retaining wall, breast wall, drain leh culvert-te siam a ni.