KHAWTHLIR

HPC(D) -in hlenchhuah tum
HPC (D) Gen. Hqrs. chuan thuchhuah siamin, Mizoram sokarin an harsatna sutkianna atana thuthlung an ziahpuinaah an lawm takzet tih sawiin, "Inrintawnna leh inunauna principles hmanga inremna thuthlung ziah a awm hi lawm taka hlenchhuah tumin HPC(D) chu a inbuatsaih mek tih Zoram mipuite kan hriattir e" an ti.

Thisen pe
Nimin khan Lungsen Pastor Bial TKP chuan Lungsenah blood donation camp an huaihawt a, Christian Hospital, Serkawn tan thisen unit 49 an pe. Mizoram Polytechnic, Lunglei pawhin Lunglei Civil Hospital tan thisen unit 46 an pe a, a petute mipa 38 leh hmeichhia pasarih an ni.

Sangha chaw
District Fisheries Development Office, Champhai chuan sorkar laipui scheme Blue Revolution hnuiah nimin khan an kudamah sangha khawitu mi 144 hnenah sangha chaw leh chinai thi an sem. Blue Revolution scheme hnuaiah hian dil thar laitu mi 46 leh dil neisa mi 98-te tan thawm ṭhatna pawisa pek an ni.

Khuaibu sem
Mizoram Khadi and Village Industries Board's office-ah nimin khan Major Honey Mission hnuaia thlan chhuah mi 10 te hnenah khuaibu leh a bawm sem a ni a, Industries minister H Rohluna'n a hman pui. Major Honey Mission Programme atan hian cheng nuai 344.13 ruahman niin, mi 750 hnenah khuaibu leh a bawm 7500 sem chhuah tura buatsaih a ni.

Thawktu zat
Tun dinhmunah Mizoramah SSA hnuaiah thawtu 3,754 an awm a, chu'ng zinga 550 chu primary school zirtirtu niin, 1,643 chu upper primary (middle school) zirtirtu an ni. RMSA hnuaiah thawktu 624 awmin, chu'ng zinga 530 chu zirtirtu an ni.

Meth. man
Directorate of Revenue Intelligence, Aizawl leh 12th Assam Rifles ṭangkawp chuan April 2, 2018 khan Tengnoupal, Maipur-ah methamphetamine tablets 3,20,000 an man.