Sawhthing hralhna tur ngaihtuah

Nimin khan Chief Minister's Office-ah chief minister Lal Thanhawla hoin Finance minister Lalsawta leh Planning Board vice chairman H Liansailova te an ṭhukhawm a, sawhthing hralh chungchang an ngaihtuah.

Meeting-ah hian Mizoram hmun hrang hranga sawhthing chîngtute’n a hralhna kawnga harsatna an tawh dante sawiho a ni a; harsatna sutkian dan turte sawiin, sawhthing man man zawka hralh theih nan 'Mizoram State Agri-Marketing Monitoring & Coordinating Committee' din ni se, an ti.

CM Lal Thanhawla chuan, kut hnathawktute'n sawhthing an hralh theih nan a ṭul ang zela sumpai pawh ngaihtuah ni se, a ti a; hemi chungchangah hian a rang thei ang bera hmalak a, fûrpui a thlen hma ngeia che thei tura inbuatsaih ni se, an ti a ni.