Housing for All ṭanpuina dawng zat tarlang

Urban Development & Poverty Alleviation (UDPA) minister Zodin­tluanga chuan, Housing for All hnuaiah CLSS beneficiary mi 4,513 thlan an ni tawh tih a tarlang a; BLC beneficiary mi 321 hnenah pawisa pek a ni tawh tih a tarlang bawk.

Assembly budget session zawh taka MNF member Lalrinawma zawhna UDPA Minister-in ziaka a chhan danin, Housing for All hnuaiah CLSS dilna (application dawn tawh zat chu mi 4,513 an ni a, chungte chu UDPA-in bank-ah a vaiin an thawn a; bank aṭanga report an dawn chinah Mizoram pumah mi 284 hnenah sum pek tawh a ni.

Housing for All hnuaia BLC dilna lut tawh zawng zawng chu 29,645 a ni a, chungte chu endika verification tih a nih hnuah inkaihhruaina anga a dawng thei zat chu mi 29,361 an ni. A dawng thei zat finfiah tawh mi 29,361 aṭangin mi 321 hnenah ṭanpuina pek a ni tawh a; chungte chu Aizawl district-ah mi 181 leh Lawngtlai district-ah mi 140 an ni.