NTUM-in MR kutthlak an dem

National Trade Union of Mizoram (NTUM) chuan nimin khan Aizawl Press Club-ah thuthar thehdarhtute an kâwm a; Tlawng leh Pukpui inkar kawng siam chungchangah PWD hot mixed plant enkawltu muster roll (MR) R Laldinliana police-te'n man a, damdawi-ina awm ngai khawpin kut an thlak niin an tarlang a, "MR hmuhsitna leh ngaihnêpnaah kan ngai," an ti.

NTUM president Lalrinliana chuan, R Laldinliana chu eirûk thubuaiah man a nih thu sawiin, "An pute nen man a ni a, amah chiah hi kutthlak a ni. Ani hian engmah a eiru thei lo a, an pute'n an eirûk an pe a nih pawhin engmah a hre lo ang. Vuak atan an man ni berin kan hria," a ti a; MR-te ngaihnepna leh thleibikna chu a ṭul dan azirin NTUM-in a theih ang anga an do zel dawn thu a sawi.

Kut inthlakna chu dan kalh a nih thu sawiin NTUM President chuan, "He thil thleng hi NTUM chuan a dem a, sorkar tana thawk hah zawk mah leh dinhmun chhe zawk MR-te thliar hranna awm hi kan do a ni," a ti.