MPF-in thawhhopuiah sawm nawn

Mizoram Peolple Forum (MPF) hruaitute chuan nimin khan Cong­ress Bhavan an tlawh a, MPF leh political party-te'n thawhhona thuthlung an siam a hlawhtlin theihna atana thawhpuiah an sáwm nawn.

MPF aiawha thusawi­tu, general secretary Rev. Dr R Lalbiakmawia chuan, ram hmangaihna a tlahniam deuha an hriat thu sawiin, "Pathianin ram min pek hi i hmangaih tak tak ang u. Politics hi mahni sahmîm tihpuarna atan kan ti a ang ṭan tawh. Party mite'n contract an thawk a, an thawh ṭhat loh ṭhin bakah, contract hralh thâwmte a awm. Hetiang chuan engtin nge ram kan siamṭhat ang?" a ti a; ram hmangaihna kawngah ṭan lak a ṭul thu a sawi.

Rev.Dr R Lalbiak­mawia chuan, ram hruai­tute chu dik leh fel taka ram hruai tura sáwmin, "Thil dikah chuan kan zui zel ang che u. Chumi atan chuan zirtirna kan kalpui a ni. Tunah pawh thawhhona thuthlung a hlawhtlin theihna atan kan sawm nawn leh che u a ni. Block leh unit level-ah chuan local forum-te nena thil pawimawhte sawi khâwm turin kan ti a ni," a ti.

Inkhawmah hian Cong­ress party mi leh sate'n hriat fiah duh leh zawhna an neihte chu MPF hruai­tute'n an chháng a ni.