MNYF-in sorkar hmalakna an thlawp vangin Congress ṭhalaite an lawm

Congress party ṭha­l­aite chuan thuchhuah siamin, MNF ṭhalaite'n March 5, Ningania State Referral Hospital leh medical college din mek an tlawh chu lawmawm an tih thu an tarlang a, "Damdawi-in lian dinna turah sorkar hmalakna an thlàwp thu an sawi kha lawmawm kan ti tak zet a ni," an ti.

MPYCC chuan, MNYF-in State Referral Hospital chungchang an sawi dan aṭangin MNF president Zoramthanga aiin MPCC president Lal Thanhawla an dah san zawkzia leh an ngaih ropui zawkzia a lang niin an sawi a; Lal Thanhawla zui ve zawk turin MNF ṭhalaite an sáwm a ni.

MNYF hruaitute'n thil ṭha leh ram hmasawnna vei viau mah se, an feh chhuahna leh chêt an lakna apiangah an pute'n kum 10 an sorkar chhung­a sûlhnu ṭha lo an neih tawhna vek kha a lo ni ṭhin niin an sawi a, "An kalna apiangah thu leh hla an neih tam zawh poh leh an pute mawng an hlîm thar zel a ni," an ti.