October 2, 2021 thleng SOP pawtsei

State Disaster Management Authority hnuaia State Executive Committee chairman Lalnunmawia Chuaungo, chief secretary chuan Covid-19 kaihhnawiha Mizorama inkaihhruaina, Standard Operating Procedure (SOP) hman mek chu October 2, 2021 zanlai dar 12 thleng pawhsei a nih thu nimin khan a puang.

Inkaihhruaina thar hi September 18, Inrinni zanlai dar 12 aṭanga October 2, 2021 zanlai dar 12 thleng hman tur a ni a, Standard Operating Procedure (SOP) hman mek chu hman chhunzawm tur niin, thil pahnih tihdanglam a ni.

Inkaihhruaina tihdanglamte chu - picnic spot hawn phal a ni a, mi 25 aia tam lo leh Covid-19 laka nun dan tur zâwm chungin picnic phal a ni. Bazar leh dawr hawn dan kaihhruainaah, group C-te chu Thawhlehni, Nilaini, Zirtawpni leh Inrinniah hawn phalsak an ni tawh bawk.