Trained Hindi teacher 314 lâk phalsak

Sorkar laipuia Ministry of Education hnuaia Department of School Education and Literacy secretary Anita Karwal chuan, Mizoram chu trained Hindi teacher 314 lak phalsak a nih thu School Education minister Lalchhandama Ralte a hrilh.

MoE secretary Anita Karwal hi nimin khan Education minister Lalchhandama Ralte-in a hmu a, Mizoram zirna atana thil pawimawh hrang hrang a thlen. Minister thu thlen, Hindi teacher 314 lak thar chu trained chauh lak rem a tih thu Anita Karwal chuan a lo hrilh a ni.

Lalchhandama Ralte chuan, Mizoramah Myanmar aṭanga ráltlân eng emaw zat an awm thu leh chu'ng zingah chuan sikul kai rual naupang ṭhahnem tak an awm thu a sawi a; ráltlân chu ni tin an la pun zel thu te, Mizoramah zirna an chhunzawm theih nan Mizoram sorkarin hma a lak tawh thu sawiin, ráltlân naupangte tan chawchhun, zirlaibu leh uniform-te a thlàwna Ministry of Education-in a pek theih nan ngaihtuahsak turin a ngen a ni.

Anita Karwal chuan, Myan­mar aṭanga Mizorama rál­tlân naupangte'n zirna an chhunzawm theih nan ma­mawh­te pek a nih tur thu a sawi a; ráltlân naupangte din­hmun tarlanna data pe tura chahin, chumi mil chuan chhawm­dawlna an lo pek tur thu a hrilh.

Minister Lalchhandama Ralte hi Samagra Shiksha state project director Lalhma­chhuana'n a ṭawiawm a ni.