CYMA-in ráltlân tan vehbûr a khawn

Central YMA chuan Myanmar aṭanga Mizorama ráltlânte chhawmdawlna turin vehbúr a khawn dawn a, YMA branch hrang hrangte chu an huam chhungah lo bawhzui turin an ngen.

Myanmar rama Zo hnahthlak unau ráltlânte buaipuina kawnga YMA sub-headquarters, group leh branch-te hmalaknaah an lawm thu sawiin CYMA chuan, "Mahni sahimna tura lo tlân kan unaute kan theih leh phâk tâwka lo tuamhlâwm ṭheuh turin Mizo mipuite kan ngen a ni. Ráltlânte thlamuang taka an awm theih nan leh buaipui meknaah YMA sub-hqrs, group leh branch-te'n theihtawp i chhuah zel ang u," an ti.

Central YMA thuchah
 YMA branch-te ráltlân ṭanpuina pe thei tura beisei kan ni a, kan huam chhunga ṭanpuina pe thei an awm chuan lo bawhzui ni se.
 Ráltlân ṭanpuina pe duh mimal, páwl, kohhran kan awm a nih chuan CYMA Office-ah emaw CYMA bank account number 97003624845 (Mizoram Rural Bank) IFSC - SBIN0RRMIGB ah pek theih a ni se. Ṭanpuina hi October 15, 2021 ral hmaa pek theih ni se.
 Myanmar ráltlân ṭanpuina pe duhte'n YMA sub-hqrs, group leh branch kaltlanga pêk hrâm ni se.
 Ráltlânte enkawlnaa kan awlsam tlân nan YMA sub-hqrs, group leh branch-te'n felfai taka chhinchhiah ni se.
 Ṭanpuina hi a suma pek theih hrâm ni se. Account kaltlanga ṭanpuina pete'n hming leh veng chiang taka ziah tel hram ni se.