SYS Minister leh REC Chairman inkâwm

Sports & Youth Services minister Robert Romawia Royte chuan nimin khan New Delhi-ah Rural Electrification Corporation (REC) chairman Sanjay Malhotra a hmu a, Tuiriala motor sport leh a kaihhnawih project chungchang a sawipui.

Robert Romawia chuan, Tuiriala motor sport leh a kaihhnawih atan cheng nuai 1,000 mamawh a nih thu sawiin, "Nuai 1,000 aṭanga 75% chu REC-in CSR fund aṭangin thawh thei se chuan hmun dang aṭangin nuai 250 chu state sorkarin ngaihtuah dan kan lo zawng ve ang," a ti. REC Chairman chuan, cheng nuai 500 chin chu a sanction theih thu leh nuai 750 a nih dawn chuan an lo inràwn khawm tur thu a lo hrilh.