J Thankima College-in award sem

J Thankima College chuan kum 2021-a Mizoram University hnuaia under graduate exam-a ti ṭhate chawi­mawina hun nimin khan an campus-ah an hmang a, principal Dr JV Nunchunga'n zirlai ti ṭhate hnenah chawimawina a hlàn.

University top 10-a langte hnena an hlan ṭhin Directors’ Award chu an zirlai mi pali hnenah an hlan a, thuchei leh Rs. 1,500 a keng. An college aṭanga mahni core subject-a ti ṭha berte hnena pek ṭhin Principal’s Award chu zirlai paruk hnenah an hlan a, thuchei leh Rs. 1,000 a keng. Lawmman sang ber J Thankima Award - university topper hnena pek tur chu dawng thei an awm lo thung.