Chief Minister-in World Bamboo Day a hmanpui

September 18, Inrinni khan Confederation of Indian Industry (CII) leh Nagaland state sorkar chuan World Bam­boo Day pualin India hmar­chhak state huap virtual conference an buat­saih a, Chief minister Zoramthanga'n a hmanpui. Conference thupui chu 'Challenges, Opportu­nities and The Way Forward in North East' tih a ni.

CM Zoramthanga chuan, sorkar laipuiin mau tihhmasawnna lama hma a laknaah hmarchhak state-te an pawimawh thu a sawi a, "Ram ruak awm zat leh ruahtui, sik leh sa dinhmunin a zir avangin nasa takin hmarchhak state-te economy chawi sang a, ram pum tana thawh hlâwk belhchhah turin theihna a awm. Mau leh ruate chu chìn uar ringawt emaw, mau leh ruaa innghat industry din chauh a tâwk lo a, a chíng­tute leh a leitute'n hlâwk­na tam ber an tèl theih nan transportation cost tih­hniam a pawi­mawh," a ti.

State tin economy tana ṭangkai a nih avangin mau tihhmasawn chung­changah ṭangruala thawk a, theihtawp chhuah tlang turin Zoramthanga chuan state hrang hrangte a sáwm a; bamboo link road siam a pawimawh thu sawiin, chu chu sorkar laipui hotute hnena a thlen tawh ṭhin thu leh sorkar laipui pawh ngai pawimawh tura a duh thu a sawi bawk.