Jubilee pualin ṭanpuina sem

St. Paul's HSS 1993 batch chuan kumina an kum 25 (silver jubilee) lo thleng lawmna chi khat atan Inrinni,khan Hermon Children's Home, Durtlangah leh Tawngtai Bethel Camping Centre, Chawnpuiahte tanpuina thilpek an hlan.

St Paul's School chhuakte hian kumtin silver jubilee pualin batch tinten a indawtin mahni remchan dan angin midangte tana luanchhuahna hun an hmang ṭhin. Kum­ina an silver jubilee hmang mek 1993 batch-te hian an sum thawhkhawm bakah kawng hrang hranga an sum thawhchhuahte hmangin a thawhkhatna atan luanchhuah programme hi an nei ani.

Hermon Childrens Home ah hian naupang, he home a awmte mamawh - laptop, damdawi, slipper bun engemawzat, sanitary napkins leh ṭul dangte an hlan a, Ṭawngtai Bethel Camping Centre ah hian buhfai bag ṭhahnem tak leh damdawi chi hrang hrang an hlan thung.