PRISM-in candidate tur mi 10 an puang

PRISM party chuan kumina Legislative Assembly inthlanpui awm tura an caiddate turte zinga mi 10-te nizan khan Ignite Studio, Aizawlah an puang a, an dinna tur Assembly constituency erawh an puang tel rih lo.

PRISM candidate turte puanna inkhawm hi an vice president K Tlanthanga’n a kaihruai a, senior vice president Dr H Lallungmuana’n candidate tur mi 10-te hming a puang a ni.

Dr H Lallungmuana chuan, Nehemia’n zana mi hriat loh laia Jerulem kulh chhe lai leh a siam-

ṭhat dan tur a zir angin, PRISM chuan kum 11 chhung Mizoram chhe lai siamṭhat dan tur an zir chhuak tawh niin a sawi a, "Jerusalem kulh chhia siamṭhat ngaihna awm tawh loa ngaia beidawngte kulh siamtha tura a ko angin, PRISM hian kan ram siamṭha turin mipui kan au che u a ni," a ti.

PRISM Candidate tur an puante
No. Hming Khua/ Veng
1. B Vanlalhruaia Chawnpui, Aizawl
2. C Lalhruaitluanga Lunglei Chanmari
3. Eddy Zosangliana Colney Chanmari, Aizawl
4. Lalrinzuala Chawngthu Nursery Veng, Aizawl
5. RL Liantluanga Bawngkawn
6. SL Ngursailova Sailo AICS Campus, Tanhril
7. TBC Lalvenchhunga Champhai Vengthlang
8. Zodinsanga Chanmari, Aizawl
9. RC Rohmingthanga Tuirial
10. Vanlalruata Maubawk, Aizawl