Serchhip district ATS-te'n Squad drive vawi 72 an nei

Serchhip district Anti Tobacco Squad (ATS) chuan kum 2017-18 chhung khan squad drive vawi 72 an nei a, dan bawhchhia an mante sum an chawitir aṭangin Rs. 1,675 an hmu a, sorkarah an chhung lut. Dan bawhchhiate sum chawi zat hi kum 2016-17 chhunga mi Rs. 3,350 aiin a tlem zawk a ni.

Serchhip ATS hian Legal Metrology, Food and Drug Administration leh Traffic Police-te nen thawkhoin squad drive vawi li an nei bawk a; chuta ṭang chuan Sikhar pack 799, Winbody báwm 849, Valiant báwm 2,996, Far Star báwm 1,821, Hammer báwm 710 leh Lincoln báwm 11 an man.

Tlawmngai pawl leh kohhran hrang hrangte nen thawkhoin, vaihlo leh a kaihhnawih ṭhat lohzia inzirtirna hun vawi 23 an hmanga, zirna-in parukah awareness cam­paign an nei bawk. Vaihlo bànsan duhte ṭanpuina hmun TCC-ah mi 259 enkawl a ni a; mipa 17 leh hmeichhia 30, an vaiin mi 47-in vaihlo leh a kaihhnawih an tihte an bànsan a ni.