NITI Forum for North East meeting neih a ni

Nimin aṭang khan Tripura khawpui Agar­tala-ah NITI Forum for North East meeting hmasa ber neih a ni a, Mizoram aṭangin Finance minister Lalsawta leh Planning secretary Dr C Vanlalramsanga te an tel.

NITI Forum for North East-ah hian NITI Aayog vice chairman Dr Rajiv Kumar leh Union minister of state for DoNER Dr Jitendhra Singh ten thu an sawi a; Dr Rajiv Kumar chuan, meeting-in a tum ber chu hmarchhak state-te'n harsatna thuhmun an neih sutkian dan sawi ho leh mamawh inṭâwm an neihte ruahman dan tur sawihonaa ruahman a nih thu a sawi.

Finance minister Lal­­sawta'n Mizoram mamawh leh hmarchhak bial anga thawhhona tur kawng hrang hrang a sawi lang a; inkalpawhna leh inbiakpawhna ṭha neih hmasak a pawimawh thu leh hmasawnna ruhrel din ngaih pawimawh a ṭul thu uar a sawi a; entrepreneurship lama Mizoram sorkar hma­laknate sawiin, April 20-21, 2018 chhunga Aizawla Magnetic Mizoram Inves­tor Summit neih turah tel ṭheuh turin a sáwm a ni.