PAHOSS kalpui dan tur rêl

Food, Civil Supplies & Consumer Affairs (FCSCA) minister K Lalrinliana hoin nimin khan Kolasib DC conference Hall-ah Kolasib District Parking House Committee an ṭhu a; Kolasib khawpuia lirthei 300 dah theihna tur Parking House Support Scheme (PAHOSS) kalpui dan tur an rêl.

Ṭhutkhawmah hian, PAHOSS dilna thehluh hun atan kumin November 16 aṭanga nakkum January 15 thleng an ruat a; dilna luh dan azirin a hmunhma endik tura ruatte'n endik hna an kalpui nghal ang.

PAHOSS dil tur chuan lirthei ke pali nei panga emaw, lirthei ke pahnih nei 30 tal hûn/dah theihna hmun an nei tur a ni a, lirthei dah nan kum 10 tal hman tur a ni ang. Lirthei ke pali nei pakhat emaw, ke pahnih nei paruk dah theihna tur siam/sak nan Rs. 1,00,000 zel ṭanpuina pek a ni dawn a ni.