YMA Sub-Headquarters, Lunglei-in RT-PCR kháwl an bawhzui dawn

YMA Sub-Head­quar­ters, Lunglei hruaitute nimina ṭhukhawm chuan, chhim bial mipui tan Lungleiah RT-PCR khawl bun thuai a nih theih nan leh sorkarin hma a lakna chak zawka kalpui a nih theih nan a ṭul angin bawhzui an rél.

Lunglei Sub-Head­quarters YMA chuan, "RT-PCR khawl hi sorkarin October 2021 thla chhung ngeia hman theih tura bun fel turin YMA Sub-Headquarters, Lunglei chuan a beiseiin a phût tlat a ni," an ti a; Lungleiah RT-PCR khawl bun fel a nih hma chuan an en zui zel dawn tih an tarlang.

YMA Sub-Headquar­ters, Lunglei Executive Committee meeting chuan, "RT-PCR khawl hi Tourist Lodge, Zotlang, Lungleia a dahna tura civil work, September 21, 2021-a ṭan tura sorkarin hmalak a tum thu YMA Sub-Hqrs, Lungleiin a dawn angin, hemi ni hian sorkar hmalakna enpui turin hnatlang, SEC-in neih ni se," an ti.