Faina beihpui thlak dan tur sawiho

Khawzawl District Water & Sanitation Committee (DWSC) chu an chairman CC Lalchhuangkima, bawrhsap hoin nimin khan DC conference hall-ah an ṭhu a; Azadi Ka Amrit Mahotsav hnuaia ‘Faina Beihpui Thlak (Swachh Bharat Niwas)’ hman dan tur an sawiho.

Ṭhutkhawmah hian Khawzawl district-a khaw hrang hrangte tan faina kawnga inelna buatsaih an rél a; sikul, aganwadi, VC House/BNRGSK, community hall, vantlang inthiarna, waiting shed leh a dangte chu endikna atan hman ni se, an ti. Intihsiakna endik tur team 11 an duang nghal a ni.

Plastic hman nawn theih loh bànsan chung­changa inzirtirna (awareness campaign) khaw lian deuhah neih hmasak ni se, inzirtirna banner eng emaw zat tàr ni se, an ti bawk.