Electoral roll ennawn dan tur sawiho

Champhai District Standing Committee chu nimin khan district election officer (DEO) Maria CT Zuali, bawrhsap hoin DC pisaah an ṭhukhawm a; polling station thlâkna rationalisation of polling station leh qualifying date-a January 1, 2022 hmanga Special Summary Revision of Photo Electoral Rolls, 2022 kalpui dan tur an sawiho.

ERO Lalnunfela Chawngthu sawi danin, kum hmasaa electoral roll ennawnnaah birth certificate dik lo leh a lem/ siam chawp eng emaw zat man chhuah a ni a, chu'ngah chuan dan angin hmalak a ni.

Meeting chuan, Special Summary Revision of Photo Electoral Rolls, 2022 kalpui turah kum hmasa aia nasain birth certificate, voter ID leh document dang dik lo leh a lem siam ṭhin chhui chhuah kawngah ṭan lak ni se, an ti a; dan bawhchhia mante chu dan anga hrem zel ni se an ti bawk.

District Standing Committee ṭhutkhawmah hian Champhai additional DC Henry C Lalrawnkima, ERO, AERO, sorkar hotute leh tlawmngai pawlte leh political party aiawhte an tel a ni.