CS hoin Azadi Ka Amrit Mahotsav thlirho

Chief secretary Lalnunmawia Chuaungo hoin nimin khan India zalenna champha vawi 75-na lawmna, Azadi Ka Amrit Mahotsav Mizorama kalpui dan thlirho a ni.

India zalenna lawmna kal mekah hian Chief Secretary chuan department tam zawk hma la tura hnuh luha mipuite chhawr ṭangkai theih tur zawnga programme duan ṭha a tih thu a sawi.

Azadi Ka Amrit Mahotsav hi March 2021 khan ṭan a ni a, Mizoramah chuan April 1, 2021 khan Chief Minister-in Vanapa Hall-ah a hawng. April 1 aṭanga nimin thleng khan Azadi Ka Amrit Mahotsav pualin programme ṭum 12 buatsaih a ni tawh a, Independence Day 2022 thleng awh tur programme 65 duan a ni.