HIV Viral Load Test chungchang sawiho

Centre for Disease Control (CDC), SHARE India, I-TECH (University of Washington), FHI-360 (Family Health International) leh Mizoram State AIDS Control Society (MSACS) aiawhte chuan April 11 khan inràwnkhawmna an nei a; Mizorama HIV hrik kaite viral load test theihna tur an sawiho.

Inràwn khawmnaa an tarlan danin, HIV positive-te taksaa natna hrik awm zat chhiarna, viral load count hi taksaa natna dotu tam zawng enfiahna, CD4 count aiin HIV hrik kaite enkawlna pekna atana chiang leh sâwt zawka ngaih a ni, Mizoramah chuan viral load count khawl hi Aizawl Civil Hospital-ah dah tura ruahman a ni a; Metropolis Laboratories, Mumbai-in ART Centre tin aṭangin test tur an la ang a, Mizoram district tina khâk endikna hmuna mite enfiah tura ruahman a ni bawk.

June 2017 aṭangin sorkar laipui ruahman anga HIV Test and Treat Strategy thar kalpui a ni a, chumi hnuaiah chuan HIV hrik kai tawh phawt chu ART damdawi ei thei nghal tura tih an ni.