Supply Minister-in Tuipuibari kudam a tlawh

Food, Civil Supplies & Consumer Affairs (FCSCA) minister John Ro­tluangliana chuan nimuin zing khan Tuipuibari-a Supply kudam tlawhin, buhfai dinhmun a enfiah a, he khuaa damdawi-in leh thawktute quarters tur sak mek a enfiah bawk.

Sorkar thuchhuah tarlan danin, tun dinhmun­ah Tuipuibari Supply kudamah Tuipuibari leh a chhehvel khua, kudamin a châwmte tan fûr atan inruahman lâwk a ni a, buhfai quintal 8,900 chhêk tawh niin, November 2018 thleng daih tura ngaih a ni. Buhfai chhêk khawl kudamah a len loh avangin Tuipuibari community hall-ah dah tel a ni.

John Rotluangliana chuan, Tuipuibari mipui hman turin public health ccentre (PHC) chu a rang thei ang bera hawn thuai ni se a duh thu sawiin, kumin inthlan hma ngeia a function theih nan a bialtu medical officer chu thawktu mamawh zat thehlut turin a hrilh. Tuipuibari PHC building hi sak zawh a ni tawh a, staff quarters pathum peih a ni tawh bawk.