Ramria inkal pawh chungchang sawiho

April 11, Nilaini khan Lunglei additional DC Benjamin Lalzama hoin a pisaah India leh Myanmar insumdawn tawnnaah zalen taka inkalpawh a nih theih dan tur sawiho a ni.

Free Movement Regime chungchanga meeting-ah hian Lunglei SP, 1st. Assam Rifles hotu te, 2nd. Bn MAP hotu te, Hnahthial SDO(C), YMA sub-headquarters hruaitute leh Land Revenue & Settlement department hotute an tel.

Benjamin Lalzama chuan, Ministry of Home Affairs leh Mizoram sorkara Home department duh dan angin, India leh Myanmar inrina aṭanga km. 16 huam chhunga zalen taka lut leh chhuak turte tan Border Pass System siam a ngaih tawh dawn thu a sawi.

Meeting chuan, border pass system a ngaih tawh dawn avang hian, Lunglei district-a Indo Myanmar border aṭanga km. 16 chhunga khaw awm te, Biometric neih zat leh ram demarcation fel taka ruahman ni se, an ti. Ramri aṭanga km. 16 huam chhunga chengte hnenah Free Movement Regime chungchang mumal taka hrilhhriatna - awareness campaign neih hun tur MHA-ah thlen ni se tiin an rel a; Thingsai Police station chu border pass system kalpui nan ruahmanna a ni tawh a, police dah belh ni se, an ti bawk.