Covid-19 dona atan ECRP hnuaiah Cheng nuai 2,879 dawn a ni tawh

Sorkar laipuiin Covid-19 dona atana budget páwn lam aṭanga state-te hnena ṭanpuina a pek ṭhinna pakhat, Covid-19 Emergency Response and Health System Preparedness Package (ECRP) aṭangin Mizoram sorkar chuan cheng nuai 2,879 a dawng tawh.

Finance department aṭanga thu dawn danin, kum 2020-21 chhung khan Ministry of Health & Family Welfare chuan ECRP Phase-I aṭangin Mizoram sorkar hnenah cheng nuai 886 a pe a ni. Sorkar kum kal mek kum 2021-22 ah chuan ECRP Phase-II atan cheng nuai 4,400 dilna thehluh a ni a, sorkar laipui chuan cheng vbc. 3,700 a pawm.

Kum 2021-22 atana sorkar laipuiin a pawm cheng vbc. 3,700-ah hian state matching share tura ruahman chu 10% a ni a, chu chu cheng nuai 400 a ni. ECRP-II atan hian Ministry of Health & Family Welfare chuan cheng nuai 1,900 a sanction tawh a ni.