Shelter Home sum sem
Urban Development & Proverty Alleviation (UDPA) minister Zodintluanga chuan, nimin khan a pisaah Deendayal Antyodaya Yojana - National Urban Livelihood Mission (DAY-NULM) hnuaia Scheme of Shelter for Urban Homeless aṭangin Mizorama Shelter Home dawng tura thlan 24 hnenah operation & maintenance fund a hlan.
Zodintluanga chuan, Mizoramah riahna tur leh enkawltu mumal nei lo an awm mang loh chhan chu, mi inpe leh tlawmngaite'n shelter home siam a, mahni sum leh hun senga khawtlang tan hma nasa taka lak vang a nih thu a sawi a; Scheme of Shelter for Urban Homeless hnuaia operation & maintenance fund chu a scheme-in a phût angin, shelter home-te'n ṭangkai taka an hman ngei a beisei thu a sawi bawk.
Shelter for Urban Homeless scheme-in a tum chu, khawpuia zan riahna leh tawm hulna nei loa khawlai leh hmun remchanga khawsa ṭhinte riahna tur buatsaihsak a ni a; scheme hi her danglam hretin, shelter leh home hrang hrang, ruihhloin a tihbuai enkawlna te, taksa leh rilru lama rualbanlo enkawlna hmunte chhawmdawl nan hman a ni.
Nimina hlan tak shelter home 24 hnenah hian operation & Maintenance fund atan cheng nuai 51.36 sem a ni.