Ex-Servicemen Rally buatsaih

Assam Rifles 23 Sector hnuaia 46 Assam Rifles bultumin, nimin khan 46 AR headquarters-a Loch Hall-ah Ex-Servicemen Rally buatsaih a ni a, Governor Lt.Gen. Nirbhay Sharma khuallian a ni.

Lt.Gen. Nirbhay Shar­ma chuan, ex-service­men-te hamṭhatna tur leh ram rálmuanna atana Assam Rifles-te hnathawh fakawm a tih thu a sawi a; sipai pawl hrang hrangte chu khaw­tlang tana a huhoa thawk tura sáwmin, "Mizo­ram kil tina an awm avang­in, an tawnhriatte leh finna­te khawtlang tana chenfâk­awm a ni thei a ni," a ti.

Assam Rifles DIG Brig. MS Mokha pawhin thu sawiin, sipai bángte harsatna hrang hrangte chinfelsak an tum thu a sawi. Rally-ah hian Veer Naris leh Gallantry award dawngtute chawimawina hun hman a ni.