Zoram Defence Organisation din thu puang

Zoram Defence Orga­nisation (ZDO) hruai­tuite'n nimin khan Aizawl Press Club-ah thuthar thehdarhtute an kâwm a; kawng hrang hranga Mizoram leh hnam venghima humhalhtu turin ZDO an din thu an puang.

ZDO president K Van­lalvena chuan, Pathianin Mizote ram a pekah Pathian min duh dan ang tak leh Mizo hnam a din chhan ang taka an awm theih nan theihtawp an chhuah dawn thu a sawi a; Chhinlung chhuak Zofa zawng zawng ZD-ah tel turin a sawm a ni.

K Vanlalvena sawi danin, ZDO hian April 11, 2018-ah hruaitu tur an inruat a, chungte chu - president K Vanlalvena, Bawngkawn; vice president Lalnunsiama, Bethlehem Vengthlang; general secretary R Lalthlamuana, Tuithiang leh treasurer Lalchhuanmawia, Zuang­tui-te an ni.

An hmalakna turt an sawi zingah, Mizo lal Suakpuilala leh British sorkarin ramri an siam, 1875 Inner Line boundary chu Assam leh Mizoram inkar ramri a nih leh theih nana hmalak te, Inner Line Regulation 1873 chu Mizote humhimna atana siam a nih anga a nihna anga hman a nih theihna tura hmalakte a tel.