PRISM-in ṭhalai pawl an din

PRISM party chuan PRISM ṭhalai (PRISM Youth Front an din thar a, hruaitu turte an ruat nghal a, president-ah RL Liantluanga ruat a ni.

PRISM chuan, "Election Commission of India (ECI)-in registration kan dilna min pawmsak tawh avangin chak zawka hma la turin kan inbuatsaih a, party danpui angin, April 14, 2018 aṭanga hman ṭan turin PRISM Youth Front din a ni," an ti.

PRISM ṭhalai hruaitu atana ruatte chu - president-ah RL Liantluanga, vice president-ah H Lalrem­siama leh secretary-ah C Lalṭanpuia te an ni. Heng bakah hian, PRISM general headquarters hruaitu tur mi eng emaw zat ruat thar a ni bawk.