Agriculture-a NEDP hmalaknate sawiho

Planning minister Lalsawta chuan nimin khan a pisaah Agriculture (Research & Extension) hotute a kâwm a, NEDP hnuaia hmalaknate leh hmachhawpte a sawipui.

Meeting-ah hian Agriculture (RE) director Dr Saithantluanga chuan, Mizorama thlai chi hrang hrangte hlâwk lehzuala kalpui a nih theih nan zirbingna (research) uar ṭul a tih thu a sawi a; Germplasm humhalh tum dan sawiin, Mizorama thlai chìn ṭhinte a bo mai lohna turin ICAR leh Protection of Plant Variety & Farmers Right Authority-te'n hma an lak tawh thu a sawi.

Dr Saithantluanga chuan, French bean, vaimim leh hmarcha chi hrang hrangte chu National Bureau of Plant Genetic Research Centre a thehluh a nih tawh thu a sawi a; Mizorama thlai chîn ṭhinte chu state variety anga hriatpui a nih theihna turin State Variety Release Committee din tum mek a nih thu a sawi bawk.