Minister hoin Mualpui ram enfiah

Salem Vengin Mualpuia Govt. Aizawl College building thar bula vantlang hmun atana ram an humhalh leh chu lai hmun sorkara an dil chungchangah nimin khan Land Revenue & Settlement minister Lalruatkima hoin Salem Veng Local Council hruaitute leh LRS department hotute'n a hmunah an enfiah.

Lalruatkima chuan, Mualpui leh hmun danga sorkarin house site plan a ruahmanah harsatna hrang hrang an tâwk ṭhin tih a sawi a, "Khawtlang hmunhma leh inkalpawhna kawng atana ram zuah a awm loh ṭhin avang leh ram neitute'n an ram chin ṭha taka an hung loh vangte a ni fo," a ti.