MHIP leh Myanmar MP/MLA-te inkâwm

MHIP Gen.Hqrs hruaitute leh Myanmar rama MP leh MLA hmeichhiate chu Chin Affair minister hoin MHIP Office-ah an inkâwm a, Myanmar ram buaina leh tualchhung dinhmun te, Zo hnahthlakte dinhmunte an sawiho.

Myanmar MP leh MLA hmeichhiate chuan, an ram buai vanga Zo hnahthlakte'n harsatna tam tak an tawh mekah Mizoram mipuite'n ṭanpuina an pek zawng zawngah an lawm thu te, MHIP member-te ṭangkaizia leh an lainatna, khawngaihna an dawn avanga an lawm thute an sawi.

MHIP president T Lalthangpuii chuan, Myanmar rama Zo hnahthlakte tawrhna chu pawi an tih thu sawiin, ṭanpui theihna kawng awm ang angah MHIP-te an inhuam thu a sawi. MHIP hian Myanmar ráltlânte mamawh an khawn khawm mek a ni.