MP leh OSD-te'n Union Home Secy hmu

Lok Sabha MP C Lalrosanga leh officer on special duty (OSD) to chief minister Rosangzuala-te chuan, nimin khan New Delhi-ah Union Home secretary Ajay Kumar Bhalla leh Intelligence Bureau director Arvind Kumar te an kâwm a; India hmarchhak biala thil awm dante bakah, Myanmar-a thil thlengte leh ráltlânte chungchang an sawipui.

Sorkar thuchhuah tarlan danin, C Lalrosanga leh Rosangzuala te hian Myanmar aṭanga ráltlânte chhawmdawlna chungchangah ṭanpuina awm thei angte ngaihtuah tur leh, Mizoram leh Assam ramri buaina chingfel tura chak taka hma la turin an ngen a ni.