Sumdawngte'n CM hnenah an duh an thlen

Mizoram Business Coordination Committee (MBCC) chuan, nimin khan chief minister Zoram­thanga hnenah dawr hawn chungchanga rawtna an neihte an thlen a; state danga an tih angin, Covid-19 vaccine la kim tawhte chu sample endik leh inkhungtir chungchangah duhsakna pe ve turin an ngen.

MBCC chuan, an eizawn­na mumal taka an kal­pui thei lo chu ni tin eichawp zawng leh neih thinglung kháwnga ei zawngte'n an tawrh theih tawh loh thu te, Covid-19 léng chu a reh mai dawn a nih loh chuan ni tin inhawn phalsak tur leh, a theih ngang lo a nih pawhin inkaihhruaina zâwm chunga tun aia zinga dawr hawn phalsak turin an ngen a ni.

Lirthei intlàn chhâwk dan chu a hma anga A leh B-ah then leh tur te, motor registration tihfel hun September 2021-a tàwp tur chu kumin chhung ngaihhnathiam tur te, sumdawngte chu tun aia ngai pawimawh a, an chungchang rèlnaah an aiawhte teltir ve turtein an ngen bawk.

Chief Minister an hmuh zawha thuthar lakhawmtute zawhna chhangin MBCC chiarman F Rodingliana chuan, an thu thlente chu Chief Minister-in ṭha takin a lo dawngsawng tih a sawi a; an member-te chu MBCC thu leh hla ngaichâng zel turin a chah a ni.