Rangvamualah ruihhlo ti ṭhinte vâi
Aizawl bawrhsap Dr Lalhriatzuali Ralte leh Aizawl SP C Lalruaia te hoin nimin zing khan ruihhlo buaipuitu sorkar depatment mite'n Rangvamual leh a chhehvelah zu leh ruihhlo ti ṭhinte an vâi a, mi 24 an man.
August 22, 2021 khan Rangvamuala Excise & Narcotics Outpost-a Aizawl district sorkar thuneitute ṭhukhawm chuan, Aizawl khawpui hnaia zu leh ruihhlo hluarna hmun, Rangvamual leh a chhehvela zu leh ruihhlo ti ṭhinte, a bikin damdawi rûi ṭhinte vai khawm a, an chunga thununna lek dan tur an sawiho a ni.
Sawihona bawhzui hian nimin zing khan Aizawl DC, Aizawl SP C Lalruaia, Traffic SP Rodingliana Chawngthu, END Assistant Commissioner leh Rangvamual Local Council-te chuan hma an la a; ruihhlo kaihhnawiha an man mi 24-te chu Covid-19 chungchanga sorkar inkaihhruaina angin hrem an nih dawn thu sorkar thuchhuahin a tarlang.