Vegetable supply chain kudam tur enfiah

Agriculture minister C Lalrinsanga chuan nimin khan Durtlang North-ah vegetable supply chain-a tualchhunga thlai tharte dahna kudam tur a tlawh a, Aizawl mayor Lalrinenga Sailo leh Agriculture department hotute'n an ṭawiawm.

C Lalrinsanga chuan, Aizawl khawpuiin thlai thianghlim ei tur a mamawh tam thu sawiin, "AMC huam chhung leh páwn lama kut hnathawktute tan market a ṭha tâwk a, hei hi kut hnathawktute'n an hriat thar leh a ngai. Kan thar ve theih reng state dang aṭanga kan la lut nasa lutuk hian kan economy a tiṭhanṭhu mai ni loin, lak luh tam lutuk chuan kut hnathawh hi a nih dan tur angin a hlâwk ṭhin lo," a ti.

Vegetable supply chain kudam atan hian Durtlang North-a Agriculture department kudam hman ṭangkai tawh loh chu tuaithar tum a ni a, sq.ft. 1,800-a zau a ni. Agriculture Minister hnenah hian Durtlang North Local Council chuan Durtlang khaw huam chhungah thlai thar zawrhna hmun an neih ṭhat tâwk loh thu an thlen a ni.