R Thanga'n bànna a thehlut

Mizoram Pollution Control Board (MPCB) chairman R Thanga chuan nimin khan Prinicipal Conservation of Forest hnenah a nihna aṭanga bànna a thehlut.

R Thanga hian bànna a thehluhah, "Ni 3.8.2021-a MPCB chairman atana ruat a nih danah ngaihdan inang lo ṭhenkhat a awm avangin, sorkarin dan ang taka an chinfel theihna atan bànna thehluh hi ṭulin ka hria a ni," a ti.

Assembly session hnuhnung berah MPCB chairman ruat chungchangah zawhna a lut a, MPCB nodal department - EFCC minister TJ Lalnuntluanga chuan recruitment rules a awm hmaa ruat a nih thu a sawi. Document-ah erawh chuan, Govt. Gazette notification-a recruitment rules tihchhuah hnuah ruat a ni tih a lang thung.

MSU chuan September 22, 2021 khan thuchhuah siamin, R Thanga chu dan anga ruat a ni loa ngaiin, MPCB chairman aṭangin September 24, Zirtawpni ral hmaa báng turin an phût a ni.