Damdawi zuartuten Ráltlânte tan damdawi pe
Myanmar aṭanga Zo hnahthlak ráltlân Mizorama rawn lutte chhawmdawlna turin Mizoram Chemist & Druggist Association (MCDA) chuan nimin khan MZP hnenah damdawi chi hrang hrang báwm 46, cheng nuai 10 chuang man an hlàn.
MZP Pisapuia damdawi inhlannaah MCDA president R Thanglura chuan, Myanmara Mizo unau ráltlânte ṭanpuina tura an luang chhuak thei chu lawmawm an tih thu a sawi a; MZP president B Vanlaltána chuan, Myanmar aṭanga himna zawnga Mizorama rawn ráltlânte chhawmdawlna kawnga Mizote inlungrualna chuan rah ṭha a chhuah zel a beisei thu a sawi.