Mizoram tan RT-PCR mobile van Union Minister-in a remti - MNF

Lok Sabha MP C Lalrosanga chuan nimin khan Union Health minister Mansukh Mandaviya a hmu a; Health Minister chuan RT-PCR mobile van pahnih Mizoram pek a remtih thu a lo hrilh niin MNF thuchhuah chuan a tarlang.

MNF tarlan danin, Chief minister Zoram­thanga leh Health minister Dr R Lalthangliana ten an ngen tawh angin, swab sample endikna tur bakah, ICU hmanrua leh ventilator Mizoram tan pek belh tum mek a nih thu Mansukh Mandaviya chuan C Lalrosanga a hrilh a; chuta tan chuan Mizoram tan budget ruahman a nih thu leh pawm a nih hunah kháwl leh hmanruate pek belh a nih tur thu sawi.

Lok Sabha MP hi Delhi Mizoram House resident commissioner Amjad Tak leh OSD to CM Rosangzuala ten an ṭawiawm a ni.