Hydrocarbons meeting-ah Dr Thangtea

Petroleum & Natural Gas minister Hardeep Singh Puri hoin nimin khan Ministry of Petroleum & Natural Gas chuan Guwahati-ah 'Investors’ Meet on Exploration & Production Opportunities in the North East' an buatsaih a, Commerce & Industries minister Dr R Lalthangliana a tel.

Dr R Lalthangliana chuan, Mizoramah kum 2003 aṭangin hydrocarbons zawn hna ṭan a ni tih sawiin, "Oil & Natural Gas Corporation (ONGC) leh Oil India ten chan insemin hma an la a, Mizoram chu hmun kilkhawr leh tlang ram chêp tak tak awmna a nih avangin duh angin chêt a harsa," a ti a; kum li tal hun pek belh a ṭul thu a sawi.

Mizoram chu hmarchhak kila awm ni mah se, Myanmar leh Bangladesh nen ramri thui tak inṭâwm leh Mizoram ṭhenawm state-te chu hydrocarbons nei ṭha an nih thu sawiin R Lalthangliana chuan, "Mizoramah pawh tam tak a awm ngei a rinawm a, a tak ram chang turin ṭan min lakpui a ngai," a ti.

CI Minister hian Mizorama hydrocarbons zawn hna thawktu ONGC leh Oil India hotute chu Guwahati Mizoram House-ah a kâwm bawk a; chak leh nasa zawka hma la tura ngenin, Mizoram sorkarin puih a inhuam thu a hrilh.

Dr R Lalthangliana hi Geology & Mineral Resources director Lalṭhazuala'n a ṭawiawm a ni.